يا شوق قلبي لو حياتي خطيره خله يشب بداخل الصدر واقد
اما بموت السيف ولا بغيره تتعدد الاسباب و الموت واحد
اشب لك جمر و انا اشب غيره و اضوي لعينك حياتي قصايد
يا واحد عندي ولا اشوف غيره يا واحد يسوى من الناس وايد
ان مت في حبك في عيني صغيره و البسك ايام عمري قلايد
يا واحد يسوى بعيني عشيره تكرم بلد يا ناس لعيون واحد
يا كل عمري يا سماي المنيره يا فجر عمري لو غدا الليل سايد
غالي و روحي في ودادك اسيره والله احبك موت و الرب شاهد
اشهق باسمك لا انطرى بأي سيره يا مالك قلبي و هذي عوايد
لو يجمعون الطيب من كل ديره انا اشهد ان طيبك على الطيب زايد
